• Помнік Н.П.ЧалогаПомнік Н.П.Чалога
  • Гасцініца "Прыпяць"Гасцініца "Прыпяць"
  • ЛяскавічыЛяскавічы
  • Плошча горадаПлошча горада
Галоўная -  Навіны -  Навіны рэспублікі

Мінпрацы на сваім сайце пракаменціравала ўжо 32 навацыі ў Працоўным кодэксе

05.09.2019

5 верасня, Мінск /Кар. БЕЛТА/. Міністэрства працы і сацыяльнай абароны Беларусі праводзіць вялікую работу па растлумачэнні навацый у Працоўным кодэксе і пракаменціравала на сваім сайце ўжо 32 нормы. Аб гэтым паведаміў намеснік міністра Ігар Старавойтаў на круглым стале па навацыях Працоўнага кодэкса ў прэс-цэнтры БЕЛТА.

 

Абноўлены Працоўны кодэкс уступіць у сілу са студзеня 2020 года. Да гэтага зацікаўленыя бакі праводзяць значную інфармацыйна-растлумачальную работу, каб падрыхтаваць грамадства, абучыць спецыялістаў, якія адказваюць за работу з кадрамі.

 

"Мінпрацы праводзіць вялікую работу па растлумачэнні змяненняў у ПК, у тым ліку мы актыўна напаўняем сайт міністэрства, дзе ёсць спецыяльны раздзел "Новае ў працоўным заканадаўстве". Цяпер у нас адкаменціраваны 32 пазіцыі, гэта значыць практычна ўсе навінкі, якія сёння абмяркоўваюцца, мы растлумачылі. Вядома, з улікам пытанняў у грамадстве, таго, як праходзяць семінары, мы будзем нейкія нюансы ўдакладняць, пашыраць інфармацыю, дадаткова тлумачыць, у тым ліку ў гэтых каментарыях. Але ў цэлым, калі з імі азнаёміцца ўжо цяпер, можна атрымаць добрае і глыбокае ўяўленне аб тым, што змянілася ў Працоўным кодэксе", - сказаў Ігар Старавойтаў.

 

Начальнік галоўнага юрыдычнага ўпраўлення Мінпрацы Валянціна Маслоўская дадала, што ў міністэрства паступае шмат зваротаў адносна растлумачэння новых норм, просьбы выступіць на семінарах, круглых сталах. "Гэта вельмі важна: мы бачым, якія застаюцца пытанні, наколькі гатовы кадравыя работнікі да змяненняў у ПК. З іншага боку, наперадзе яшчэ вялікі блок унясення змяненняў у заканадаўства, - дадала яна. - Магчыма, будзе разглядацца пытанне аб тым, каб, імплементаваўшы нормы 29-га дэкрэта ў іншыя заканадаўчыя акты, прызнаць яго страціўшым сілу. У нас ужо ў Працоўным кодэксе рэгулюецца вялікі блок пытанняў па кантрактнай форме найму. Ну і аплата працы... Словам, наперадзе вялікая работа па прывядзенні заканадаўства ў адпаведнасць з гэтым законам".

 

Беларуская федэрацыя прафсаюзаў паралельна праводзіць растлумачальную работу з пярвічкамі. На базе ўніверсітэта "МІТСО" будуць арганізаваны курсы павышэння кваліфікацыі для юрыстаў прававой інспекцыі працы, каб у будучым яны на месцах ажыццяўлялі грамадскі кантроль з улікам змяненняў у ПК. Амаль усе дэпутаты парламента ў сваіх выбарчых акругах сустракаюцца з прадстаўнікамі прафсаюзаў.-0-