ГРАМАДСКАЕ АБМЕРКАВАННЕ: Петрыкаву – новыя межы
Петрыкаўскі райвыканкам інфармуе аб правядзенні грамадскага абмеркавання ў форме інфармавання юрыдычных і фізічных асоб, у тым ліку індывідуальных прадпрымальнікаў, і аналізу грамадскай думкі па горадабудаўнічым праекце агульнага планавання “Генеральны план горада Петрыкаў” (далей – Генеральны план).
Мэтай Генеральнага плана з’яўляецца распрацоўка прыярытэтаў і стратэгіі комплекснага горадабудаўнічага развіцця горада Петрыкава, функцыянальнага заніравання і рэгламентаў выкарыстання тэрыторый, асноўных параметраў забудовы, развіцця інжынерна-тэхнічнай і транспартнай інфраструктуры, сацыяльнай інфраструктуры, а таксама ўмоў фарміравання бяспечнага і экалагічна спрыяльнага асяроддзя жыццядзейнасці.
Неабходнасць распрацоўкі Генеральнага плана абумоўлена далейшым сацыяльна-эканамічным развіццём рэгіёну, пераўтварэннем тэрыторыі горада Петрыкава, развіццём камфортнага, прывабнага горада з сучасным гарадскім асяроддзем.
Тэрміны правядзення грамадскага абмеркавання з 1 сакавіка 2024 года да 15 сакавіка 2024 года ўключна.
Прэзентацыя праекта адбудзецца 12 сакавіка 2024 года ў 11гадзін у Петрыкаўскім раённым выканаўчым камітэце па адрасе: вуліца Гагарына, 15.
Месца і дата апублікавання апавяшчэння:
– у друкаваных СМІ – газета “Петрыкаўскія навiны” ад 21 лютага 2024 года;
– у электронным выглядзе – на інтэрнэт-сайце Петрыкаўскага раённага выканаўчага камітэта ў раз-дзеле “Грамадскія абмеркаванні”: http://petrikov.gomel-region.by/ru/o-o/ з 20 лютага 2024 года.