Наладкі
Наладкі шрыфта
Arial
Times New Roman
Памер шрыфта
A
A
A
Iнтэрвал памiж лiтарамі
Паменшаны
Стандартны
Вялікі
Каляровая схема
Чорным
па белым
Белым
па чорным
Петрыкаўскі раённы выканаўчы камітэт
Галоўная / Навіны / Навіны раёна
27 мая 2020

Увага – дзеці!



У сувязі з заканчэннем навучальнага года і пачаткам летніх канікул у мэтах папярэджання дарожных здарэнняў з удзелам дзяцей з 25 мая па 5 чэрвеня ў Рэспубліцы Беларусь праводзіцца рэспубліканскае прафілактычнае спецыяльнае комплекснае мерапрыемства «Увага — дзеці!». У перыяд правядзення якога адпаведна патрабаванням п. 166.9 Правілаў дарожнага руху, неабходна ў абавязковым парадку ў светлы час сутак уключаць блізкае святло фар або дзённыя хадавыя агні (пры іх наяўнасці) на механічных транспартных сродках. За невыкананне патрабаванняў дадзенага пункта прадугледжана адміністрацыйная адказнасць па ч. З артыкула 18.14 КаАП Рэспублікі Беларусь у выглядзе папярэджання або накладання штрафу ў памеры да дзвюх базавых велічынь.
На тэрыторыі Гомельскай вобласці ў студзені-красавіку 2020 года ўзрасла колькасць аўтааварый, у якіх пацярпелі дзеці да 18 гадоў (з 13 да 15 выпадкаў), а таксама траўміраваных у іх непаўналетніх (з 14 да 16 выпадкаў). З удзелам дзяцей-пешаходаў здзейснена 6 (у мінулым годзе – 10) ДТЗ, у якіх 6 (у мінулым годзе – 11) непаўналетніх атрымалі траўмы. З удзелам дзяцей-пасажыраў здзейснена 6 ДТЗ (у мінулым годзе – 2), у якіх 7 дзяцей траўмаваны (у мінулым годзе – 2), пры гэтым трое непаўналетніх перавозіліся з парушэннем устаноўленых правілаў. З удзелам дзяцей-веласіпедыстаў здзейснена 3 ДТЗ, у якіх 3 дзіцяці атрымалі траўмы. Па віне непаўналетніх здзейснена 5 ДТЗ, у якіх 5 непаўналетніх атрымалі траўмы рознай ступені цяжкасці: 2 – пешаходы, 3 – веласіпедысты.
Дарожна-транспартныя здарэнні з удзелам дзяцей прымушаюць задумацца пра многае. Але ў першую чаргу – гэта кліч бацькам: “Ці добра дзіця ведае ПДР, ці выконвае яно гэтыя правілы”. Як паказвае практыка, у многіх выпадках веданне ПДР застаецца толькі тэорыяй, на практыцы ж дзеці і іх бацькі (перш за ўсё пры перавозцы дзяцей у транспартных сродках) паказваюць грубае грэбаванне Правіламі дарожнага руху. Таму Дзяржаўтаінспекцыя настойліва рэкамендуе выконваць самыя элементарныя Правілы дарожнага руху! Паважаныя дарослыя, звярніце асаблівую ўвагу на навучанне дзяцей дарожнай грамаце, замацуйце атрыманыя веды на практыцы. Раскажыце дзіцяці галоўнае правіла: знаходзячыся на вуліцы, варта быць уважлівым і ўмець правільна ацаніць дарожную сітуацыю. Паказвайце дзецям асабісты прыклад выканання ПДР. Мы нясем адказнасць за ўсіх дзяцей, незалежна ад ступені сваяцтва, і павінны аб’яднаць намаганні, каб са зводак дарожна-транспартных здарэнняў зніклі дзеці, а паводзіны дарослых на дарозе павінна стаць для непаўналетніх прыкладам для пераймання.
АДАІ Петрыкаўскага РАУС нагадвае пра правядзенне на тэрыторыі Петрыкаўскага раёна ў перыяд 11 мая па 12 чэрвеня бягучага года прафілактычнага мерапрыемства “Кантроль – дарожны знак!”
Мэта правядзення мерапрыемства: узмацненне кантролю за выкананнем патрабаванняў тэхнічных нарматыўна-прававых актаў, якія дзейнічаюць на тэрыторыі Рэспублікі Беларусь, у галіне забеспячэння бяспекі дарожнага руху.

Да спіса навін