Калектыў пачаў творчы шлях у 1993 годзе пад кіраўніцтвам Тамары Хаменя, якая і зараз працягвае сваю працу над захаваннем і прасоўваннем спрадвечных беларускіх традыцый: у першую чаргу народных песень і абрадаў. За сваю гісторыю “Спадчына” паспела паўдзельнічаць у шматлікіх фестывалях, даць мноства сольных канцэртаў як у межах, так і па-за межамі нашага раёна, некалькі разоў прымала ўдзел у тэлевізійных перадачах. Мяняўся склад калектыву, але місія ансамбля заўсёды заставалася нязменнай.