У Петрыкаўскім райвыканкаме прайшла  сустрэча старшыні Нацыянальнага статыстычнага камітэта Іны Мядзведзевай, намесніка старшыні Гомельскага аблвыканкама Андрэя Канюшкі і старшыні райвыканкама Аляксандра Кохана з кіраўнікамі і спецыялістамі сельскагаспадарчых арганізацый і ўпраўлення сельскай гаспадаркі і харчавання Петрыкаўскага райвыканкама.

Іна Віктараўна падрабязна спынілася на тыповых памылках, якія дапускаюцца рэспандэнтамі пры складанні формаў дзяржаўнай статыстычнай справаздачнасці па статыстыцы сельскай гаспадаркі. Увага была нададзена актуальным пытанням ў сельскагаспадарчых арганізацыях Петрыкаўскага раёна, а таксама пытанням вытворчасці і рэалізацыі прадукцыі жывёлагадоўлі.

Іна Мядзведзева таксама звярнула ўвагу кіраўнікоў сельскагаспадарчых арганізацыі на неабходнае штомесячнае ўзважванне буйной рагатай жывёлы, а таксама на выкананне абавязковых патрабаванняў пры пераводзе жывёл з адной групы ў іншую.