• Помнік Н.П.ЧалогаПомнік Н.П.Чалога
  • Гасцініца "Прыпяць"Гасцініца "Прыпяць"
  • Плошча горадаПлошча горада
  • ЛяскавічыЛяскавічы
Галоўная -  Навіны -  Навіны рэспублікі

Сёння пачынаецца вылучэнне кандыдатаў у дэлегаты УНС

12.03.2024

12 сакавіка, Мінск /Кар. БЕЛТА/. Сёння пачынаецца вылучэнне кандыдатаў у дэлегаты Усебеларускага народнага сходу, паведамляе БЕЛТА.

Вылучэнне кандыдатаў у дэлегаты ажыццяўляецца абласнымі і Мінскімі гарадскімі арганізацыйнымі структурамі. Выбранне - вышэйшымі органамі суб'ектаў грамадзянскай супольнасці з ліку членаў гэтых суб'ектаў (членаў арганізацый, якія ўваходзяць у склад суб'екта грамадзянскай супольнасці). Пры гэтым павінна быць забяспечана прадстаўніцтва ад кожнай вобласці і горада Мінска.

Законам прадугледжаны пэўныя патрабаванні да кандыдатаў у дэлегаты УНС: грамадзянства Рэспублікі Беларусь, наяўнасць выбарчага права, пастаяннае пражыванне на тэрыторыі Рэспублікі Беларусь, адсутнасць непагашанай (нязнятай) судзімасці, адсутнасць грамадзянства (падданства) іншай дзяржавы і дакументаў замежных дзяржаў, якія прадастаўляюць права на льготы і перавагі ў сувязі з палітычнымі, рэлігійнымі поглядамі або нацыянальнай прыналежнасцю. Пры гэтым трэба ўлічваць, што адна і тая ж асоба не можа быць кандыдатам у дэлегаты УНС ад грамадзянскай супольнасці і ад мясцовых саветаў дэпутатаў.

Вылучэнне кандыдатаў у дэлегаты Усебеларускага народнага сходу завершыцца 31 сакавіка. Выбары дэлегатаў Усебеларускага народнага сходу ад мясцовых саветаў дэпутатаў і грамадзянскай супольнасці пройдуць з 1 да 10 красавіка.

У ЦВК нагадалі, што гранічная колькасць дэлегатаў УНС складае 1200 чалавек. Дэлегатамі УНС з'яўляюцца: Прэзідэнт Рэспублікі Беларусь, прадстаўнікі заканадаўчай, выканаўчай і судовай улады, прадстаўнікі мясцовых саветаў дэпутатаў, прадстаўнікі грамадзянскай супольнасці.

Колькасць дэлегатаў, якія выбіраюцца ад мясцовых саветаў дэпутатаў, - 290 чалавек, ад грамадзянскай супольнасці - 400 чалавек. Дэлегатамі УНС ад мясцовых саветаў дэпутатаў з'яўляюцца прадстаўнікі кожнай вобласці, якія выбіраюцца абласнымі саветамі дэпутатаў з ліку дэпутатаў мясцовых саветаў дэпутатаў абласнога, базавага і першаснага тэрытарыяльных узроўняў. Усе дэпутаты Мінскага гарадскога Савета дэпутатаў з'яўляюцца дэлегатамі УНС, іх выбранне ў якасці дэлегатаў УНС не праводзіцца.

Дэлегаты УНС ад грамадзянскай супольнасці выбіраюцца вышэйшымі органамі суб'ектаў грамадзянскай супольнасці з ліку членаў гэтых суб'ектаў (членаў арганізацый, якія ўваходзяць у склад суб'екта грамадзянскай супольнасці). Умовамі ўдзелу суб'ектаў грамадзянскай супольнасці ў выбарах дэлегатаў УНС з'яўляюцца: наяўнасць рэгістрацыі і ажыццяўленне дзейнасці ў парадку, устаноўленым заканадаўствам, наяўнасць абласных, Мінскай гарадской арганізацыйных структур, рэспубліканскі статус грамадскага аб'яднання, не менш як 100 тыс. дарослых членаў (для суб'ектаў грамадзянскай супольнасці - грамадскіх аб'яднанняў ), аб'яднанне не менш за палавіну зарэгістраваных у Рэспубліцы Беларусь прафесійных саюзаў (для суб'ектаў грамадзянскай супольнасці - прафесійных саюзаў).

Пасяджэнні вышэйшых органаў суб'ектаў грамадзянскай супольнасці павінны быць праведзены ў перыяд з 1 па 10 красавіка 2024 года.

ЦВК плануе ўстанавіць вынікі выбараў дэлегатаў УНС не пазней як 18 красавіка 2024 года.

25 красавіка 2024 года - гранічны тэрмін склікання першага пасяджэння УНС.

БЕЛТА - Навiны Беларусi