Прыгожую дату, 80-гадовы юбілей з дня
нараджэння, адзначае сёння Ганаровы грамадзянін Петрыкаўскага раёна Анатолій
Васільевіч Панамарэнка.
Анатоль Васільевіч – чалавек, які ўнёс
значны ўклад у развіццё раёна, рэгіёна і ўсёй галіны меліярацыі, якой аддана
служыў на працягу ўсяго прафесійнага жыцця.
Анатолій Васільевіч — чалавек абаяльны,
але вельмі сціплы. Свае заслугі перад Айчынай называе не больш як якаснай
працай. Толькі насамрэч аўтарытэт у калег, павагу сярод насельніцтва, падзяку
ад кіраўніцтва СССР наш герой заслужыў, тут ужо заўважым мы, апантанай,
адказнай, дысцыплінаванай работай, прагай да поспеху, вынікаў працы.
У багатай скарбонцы Анатолія Васільевіча
за шматгадовую працу ў меліярацыйнай галіне дыпломы, ганаровыя граматы,
падзякі. Прымаў актыўны ўдзел у грамадскім жыцці Петрыкава, неаднаразова
абіраўся дэпутатам Савета розных узроўняў.
У дзень юбілею сваю павагу і ўдзячнасць
Ганароваму грамадзяніну раёна прыйшлі выказаць кіраўніцтва раёна, былыя калегі.
Старшыня раённага выканаўчага камітэта
Аляксандр Верамееў, звяртаючыся да юбіляра, адзначыў:
— Юбілей — цудоўная магчымасць даць ацэнку
ўласнаму жыццю. Што да Вас, паважаны Анатолій Васільевіч, то той уклад, які
асабіста Вы ўнеслі ў развіццё меліярацыі на Петрыкаўшчыне, пераацаніць
немагчыма. Шчыры дзякуй Вам за сумленную працу і добрую спадчыну, якую Вы
пакінулі ўсім нам.
Да слоў віншаванняў далучыўся першы
намеснік старшыні райвыканкама Алег Козінец, дырэктар Петрыкаўскага ПМС Аляксей
Крупіннаіч, старшыня прафсаюзнай пярвічнай арганізацыі Вадзім Палтаран.
