Рост аб'ёмаў вытворчасці і экспарту. Каранкевіч аб выніках работы Мінпрама ў 2024 годзе
27 лютага, Мінск /Кар. БЕЛТА/. Намеснік прэм'ер-міністра Віктар Каранкевіч на падагульняючай калегіі Міністэрства прамысловасці ацаніў вынікі работы ведамства за мінулы год, перадае карэспандэнт БЕЛТА.
Віктар Каранкевіч адзначыў, што Міністэрства прамысловасці здавальняюча завяршыла работу ў 2024 годзе. "Прамысловасць забяспечвала ўстойлівую работу, у цэлым гэта заслуга кіраўніцтва міністэрства, арганізацый", - лічыць віцэ-прэм'ер.
Ва ўмовах росту ўплыву знешніх рызык Мінпрамам па выніках мінулага года захавана станоўчая дынаміка - выраслі аб'ёмы вытворчасці і экспарт тавараў. "Чысты прыбытак па выніках года ўзрос у 6,4 раза, а таксама выкананы планавы паказчык па рэнтабельнасці продажаў. У экспартнай дзейнасці абнавіліся максімальныя рэзультаты за апошнія 10 гадоў", - падкрэсліў ён.
Акрамя таго, віцэ-прэм'ер абазначыў задачы перад ведамствам - гэта павелічэнне аб'ёмаў паставак тэхнікі на ўнутраны рынак, стварэнне ўмоў па павелічэнні паставак на экспарт, а таксама мабілізацыя ўнутраных рэзерваў для павышэння эфектыўнасці работы.
У Мінску праходзіць калегія Міністэрства прамысловасці па выніках 2024 года і планах на 2025-ы. У мерапрыемстве прымаюць удзел прадстаўнікі прадпрыемстваў сістэмы Мінпрама, а таксама кіраўнікі іншых ведамстваў краіны. Калегія праходзіць пад кіраўніцтвам намесніка прэм'ер-міністра Віктара Каранкевіча.-0-
